Cynghorydd Amgylcheddol Arweiniol – Rheoleiddio Dŵr a Chynefinoedd

Tîm / Cyfarwyddiaeth: 

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 30/09/2025

Rhif swydd: 203995

Y rôl

Fel Cynghorydd Arbenigol Arweiniol ar gyfer Asesiadau Rheoliadau Cynefinoedd ac Asesiadau Cyfarwyddeb Fframwaith Dŵr, byddwch yn weithiwr proffesiynol amgylcheddol strategol a gwybodus yn arwain y gwaith o ddatblygu a chyflawni polisïau, strategaethau a rhaglenni sy’n gysylltiedig ag asesiadau amgylcheddol—yn benodol Asesiadau Rheoliadau Cynefinoedd ac Asesiadau Cyfarwyddeb Fframwaith Dŵr.

Yn y rôl hon, byddwch yn chwarae rhan ganolog wrth sicrhau bod y ddeddfwriaeth yn cael ei chymhwyso’n gyson ac yn effeithiol i gefnogi uchelgeisiau polisi ynghylch cydsyniad seilwaith mawr, gan gynnwys yn y sectorau ynni adnewyddadwy morol ac ar y môr sy’n tyfu’n gyflym. Byddwch yn aros ar flaen y gad o ran newidiadau mewn polisi, deddfwriaeth, technoleg a datblygiadau yn y farchnad—gan drosi’r rhain yn gyngor ymarferol i Cyfoeth Naturiol Cymru (CNC), Llywodraeth Cymru a’r sector morol ehangach.

Mae cydweithredu yn allweddol. Byddwch yn cydweithio â chydweithwyr ar draws timau a chyfarwyddiaethau, gan chwarae rhan weithredol yn ein Rhaglen Forol, gan gynnwys y Rhaglen Ynni Adnewyddadwy ar y Môr. Byddwch hefyd yn meithrin ac yn cynnal perthnasoedd cryf â phartneriaid allanol gan gynnwys cydweithwyr o swyddogion Llywodraeth Cymru, cynrychiolwyr y sector, ymgynghorwyr, a chyrff cadwraeth natur eraill.

Mae’r rôl hon yn adrodd i arweinydd y Tîm Cynghori ar Ynni Adnewyddadwy ac yn cynnig y cyfle i wneud gwahaniaeth gwirioneddol ar ddyfodol amgylchedd morol Cymru.

Fel sefydliad, rydym yn cefnogi gweithio hyblyg. Byddwch yn cael eich contractio i’r swyddfa CNC agosaf i’ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda’ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Rebecca Tilson at Rebecca.Tillson@cyfoethnaturiolcymru.gov.uk

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni

Mae’r rôl hon wedi’i lleoli o fewn y Tîm Cynghori ar Ynni Adnewyddadwy, rhan o Grŵp Mannau Cynaliadwy, Tir a Môr Cyfoeth Naturiol Cymru. Byddwch yn cydweithio â chydweithwyr ar draws timau a chyfarwyddiaethau, gan chwarae rhan weithredol yn ein Rhaglen Forol, gan gynnwys y Rhaglen Ynni Adnewyddadwy ar y Môr. Yn allanol, byddwch yn meithrin partneriaethau cryf â chyrff cadwraeth natur statudol, swyddogion Llywodraeth Cymru, cynrychiolwyr y diwydiant, a’u hymgynghorwyr i helpu llunio datblygiad morol cynaliadwy yng Nghymru.

Yr hyn y byddwch chi’n ei wneud

• Arwain a rheoli prosiectau ar faterion penodol a chymhleth sy’n gofyn am ddatblygu polisïau, strategaethau, cynlluniau a rhaglenni Cyfoeth Naturiol Cymru mewn perthynas ag asesiadau amgylcheddol fel Asesiadau Rheoliadau Cynefinoedd ac Asesiadau Cyfarwyddeb Fframwaith Dŵr. Bydd hyn yn galluogi dealltwriaeth a chymhwyso cyson a phriodol gan staff i alluogi cyflawni uchelgeisiau polisi sy’n ymwneud â chydsyniad seilwaith mawr.
• Rheoli’r gwaith o baratoi deunydd i lywio’r broses o ddatblygu polisïau, cyngor a dogfennau canllaw CNC, Llywodraeth Cymru a phartneriaid eraill. Rheoli’r gwaith o ddatblygu gweithdrefnau, dulliau a chanllawiau ac arwain y broses o gyflwyno ffyrdd newydd o weithio.
• Rhoi cyngor i Lywodraeth Cymru a chyrff eraill yng Nghymru a’r DU fel y bo’n briodol ac, yn eu tro, adolygu a chynghori ar y polisi, cynlluniau a strategaethau sy’n cael eu cynhyrchu.
• Cynghori ar anghenion tystiolaeth a chyfleoedd, comisiynu tystiolaeth a rheoli prosiectau tystiolaeth, yn unol â’r rhaglen dystiolaeth y cytunwyd arni.
• Cynnal gwybodaeth ymarferol fanwl am asesiadau amgylcheddol (yn bennaf Asesiadau Rheoliadau Cynefinoedd ac Asesiadau Cyfarwyddeb Fframwaith Dŵr) gan nodi goblygiadau newidiadau polisi, deddfwriaethol, technoleg a marchnad i Lywodraeth Cymru, Cyfoeth Naturiol Cymru a’r sector morol.
• Cyfrannu at grwpiau gorchwyl a gorffen, a gomisiynir drwy’r byrddau busnes, er mwyn paratoi cynhyrchion pendant yn ôl y gofyn.
• Llywio’r trosolwg a pherchnogaeth o ymgysylltiad â Llywodraeth Cymru ar y meysydd polisi penodol sy’n gysylltiedig â rhanddirymu asesiadau amgylcheddol.
• Cefnogi datblygiad a hyfforddiant staff ar draws Cyfoeth Naturiol Cymru drwy gymhwyso gwybodaeth a phrofiad technolegol, deddfwriaethol a rheoliadol.
• Cydweithio ag arweinydd y tîm i ddatblygu a chyflenwi cynllun datblygu personol y cytunir arno.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth am y canlynol: Deddfwriaeth Cymru, y DU a’r UE sy’n ymwneud â chynllunio morol; ysgogwyr polisi Llywodraethau Cymru a’r DU a’r UE sy’n ymwneud ag asesiadau amgylcheddol (Asesiadau Rheoliadau Cynefinoedd ac Asesiadau Cyfarwyddeb Fframwaith Dŵr); a’r materion a’r cyfleoedd yng Nghymru.

2. Gwybodaeth a dealltwriaeth ymarferol o’r ystod o bartneriaid a rhanddeiliaid sy’n ymwneud â datblygu datblygiadau seilwaith mawr yng Nghymru a’r DU.

3. Profiad o ffurfio a chynnal cysylltiadau agos â phartneriaid / rhanddeiliaid mewnol ac allanol er mwyn cyflawni canlyniadau ar lefel tîm / prosiect / swyddogaeth benodol, ac ar lefel y sefydliad ehangach.

4. Dealltwriaeth fanwl o broses Asesiadau Rheoliadau Cynefinoedd ac Asesiadau Cyfarwyddeb Fframwaith Dŵr, a’r ystod gymhleth o ysgogwyr a rhwystrau i gyflawni.

5. Y gallu i weithio’n gyflym a bod â hanes o gyflawni

6. Byddwch yn aelod o sefydliad proffesiynol perthnasol a/neu yn gweithio tuag at fod yn aelod.

7. Cynrychioli sefydliadau mewn materion proffil uchel a dadleuol yn gyhoeddus.

8. Rhannu eich gwybodaeth a’ch arbenigedd er mwyn helpu i ddatrys problemau, gan gynorthwyo pob pennaeth busnes yn y Gyfarwyddiaeth Tystiolaeth, Polisi a Thrwyddedu yn ôl yr angen.

Gofynion y Gymraeg

• Dymunol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg) 

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.